Neetu ki Ungaliya Chatkane ki aadat kaise bani aadhi raat ko kalesh ki wajah - Knuckle Cracking is not good for health

 Hello guys. Kal raat ko phir mera aur neetu ka clash hua. Raat ke karib 2 bje ke aas pass meri aankh khul gyi ek chatak ki aawaj se. I mean ki neetu ko aungaliya chatkane ki aadat h especially jab wo ghar ka sara kaam krke raat ko bed pe let jati h sone ke liye. To maine bahut baar neetu ko toka h ki please aisa mat kiya kar. Kyoki jo ungaliya chatkane ki aawaj hoti h wo bahut hi irritating lagti h..

Aisa bahut baar hua h wo ungaliya chatkati h and I was about to falling asleep nearby her. To jo wo aawaj aati h na ungaliya chatkane se usse meri ek dum ninid tut jati h aur bahut der tak nind nhi aati. To main neetu ko bahut baar samjhaya h ki please aisa na kare. It's sound makes me uncomfortable.

But mere kahne ke baad se wo kya krti h, jab hum bed pe lete rahte h, yani jag rhe hote h ya beti ke sath khel rhe hote h ya kuch baat kr rhe hote h tab ungaliya chatkati h. Use lagta h ab m so nhi rha hu to disturbance kaisa, abui m kar sakti hu. But use ye feel nhi hota ki chahe me jag rha hu ya so rha hu, wo sound muje irritate krta h..but m usse kuch nhi kahta kyoki nhi to koi argument ho sakta h aur beti bhi pass me hi hoti h.

To kal raat ko kya hua ki hum dodno soye hue the, wo mere pass hi soyi hui thi aur usne pta nhi nind me ya phir use dhyan nhi rha ki ungaliya nhi chatkana h abhi kyoki m so rha tha..usne chatka di Ab wo mere pass soti h to ek dum se us chatak ki awaj ne meri nind tod di aur m jag gya. Maine use bola bhi tune aisa kyu kiya, usne mujhe sorry bhi bola ki sayad usne nind me kar diya hoga. But mujhe uski sorry kahne ke baad bhi bahut pareshani aur gussa aa rha tha.

Meri aawaj ab thodi loud ho gyi aur m baar baar use bol rha tha ki why she did it? And she said ki galti se ho gya but m nhi  maan rha tha. Phir tabhi usne thoda rude sound krke bola ki maine kah to diya galti ho gyi. Mujhe wo baat aur buri lagi aur m phir use kahne lag gya ki maine kitni baar samjhaya h aise mat kiya kar. Ab meri aawaj itni loud ho gyi ki meri beti (Prerna) bhi uth gyi. Ab m room se bahar jata hu wash basin ke pass aur muh dhoke aa jata hu aur let jata hu.

Pta nhi kyu har baar aisa hota h ki Neetu ke saath kuch ho jata h aur ab mujhe agle din ye lag rha h ki mujhe sorry bolna chahiye ya nhi.

Abhi thodi der pahle me internet pe search kr rha about ungaliya chatkana, aur mujhe Dr. Ayush Pandey ki ye video mili, usme ye btate h ki kaise Ungaliya Chatkana (Knuckle Cracking) ek buri aadat h health wise. Check the side effects of knuckle cracking:

Sale ke bete aur beti ke birthday me 2 din ka gap..to neetu ke mayke walo ne sirf bete ke birthday celebrate Kiya

Hello guys. Last blog me maine btaya thai kaise neetu ke saath scene thoda tight rha tha..but timely mere aur neetu ke beech me sab theek ho gya tha. Usne bola ki wo apni mummy ko bolengi..bas phir maine jyada nhi socha..aur birthday pe jane ke liye ready ho gya...usne aphir taraf se situation ko thik krne ke liye effort dalne ki baat kahi aur m ready ho gya....

Mere sale ke bete ka birthday 10 november ko tha aur mere sale ki ek beti bhi h to uska birthday 13 november ko aata h..to un logo ne plan Kiya ki wo bas ladke ka birthday manayege beti ka nhi..wo log abhi bhi is baat ko mante h ki beti ka birthday manane se kya phayada..use to ek din uski shaadi krke use chale jana h..beta hmare vansh ko aage badhayenga...matlab kaise bachpan se hi ek beti ki upbringing aise ki jaati h ki wo to ghar ki main santan h hi nhi..

Aur ye to wo tab soch rhe the jab unki beti ka wo pahla birthday tha. But meri mazboori thi ki mujhe neetu ko us event me leke Jana tha. Nhi to mera mann tha ki m unki beti ke pahle birthday me jau. But whatsoever biwi ko bhi khush Krna tha..so did it anyway. Thank you guys for reading this small blog. See you in the next one.

Meri wife Neetu ka jab aage se koi baat nhi karna..kaise ek ghutan si feel hone lagti h

Hey Guys 👋

ye mera pahl post h…isme m aapse share karunga ki kaise ek husband wife ke relation ko unke ghar wale affect kr sakte h.

10 November ko mere saale ke bete ka birthday hai — aur meri wife ne plan bna rakha h wha jane ka.

Par pata nahi kyun, mera dil hi nahi kar raha wahan jaane ka.

Baat shayad itni badi nahi lagti, par uske peeche jo chubhan hai na… wo thodi gehri hai.

Bhaiya Dooj ke din main sasural nahi ja paya tha — aur bas usi baat ko lekar meri saas ne mere baare me kuch aise shabd keh diye jo ab tak dimaag me goonj rahe hain.

Kabhi-kabhi kuch baatein dil me bas chhup jati hain, chahe hum chup rahein ya nahi.

Ab maine jab apni wife se bola ki main iss baar nahi ja paunga, wo tab se wo off hai.

Thoda rude, thoda distant… aur ghar ka environment bhi heavy sa lag raha hai.

Kuch kehne ko hota bhi hai aur nahi bhi. Kabhi sochta hu koi nhi ignore krta hu, m aage se baat nhi karunga..dekhta hu kab tak aisa chalenga. But mujhe aisa bhi lagta h ki, aise krne se hum apni beti ki life me stress add kar rhe h. Meri ek beti h jo 3 saal ki h jiska naam Prerna h.

ab m ye chahta hu ki meri saans mujhse maafi mange, agar mujh se nhi maang sakti to meri mummy se maange..kyuki unhone meri mummy se hi mere bare me bahut kuch bola tha phone par jab m bhaiya dooj par nhi ja paya. Isliye agar wo dubara se meri mummy ko phone karke kah de ki us din thoda jyada ho gya..maise aise hi bol diya. Isse bhi cheeze thik ho sakti h.

Kahi baar hum bas ek break chahte hain — bina guilt ke, bina justification ke.

Main ye post likh raha hoon un sab logon ke liye jinke ghar me bhi aaj kal thoda emotional tanav chal raha hai.

Kuch mat bolo, kuch mat justify karo — bas ek baar khud ke liye soch lo.

Kabhi-kabhi dil nahi karta jana, aur wo bhi theek hai